CAGAYAN DE ORO CITY – Midangop sa kapolisan aron ipatala sa kapikas sa brgy administrator nga si Jeff Baconga ang nadawat niini nga giingong bahad sa kinabuhi gikan sa usa ka tag-iya’g newspaper ning syudad kagahapon sa hapon.
Kini human mihatag testimonya si Baconga atubangan sa committee hearing sa konseho subay sa DENR finding sa isyu sa basura diha sa Brgy Lapasan ning syudad.
Subay sa unod sa police blotter,mismo ang kapikas ni Baconga nga si Crisna ang nakadawat sa bahad sa suspek nga si Daryll Redondo kinsa niadtong tungura giingong naghinobra sa iyang kasuko.
Saysay niini nga nangita si Redondo kang Baconga ug nagbilin sa mensahe magtarong kini sa iyang kinabuhi.Nakahatag kini’g kalisang sa maong magtiayon hinungdang gitaho nila sa kapolisan.
Si Baconga ang nagsilbi usab nga standard officer sa Kapisana ng mga Brokaster ng Pilipinas o KBP-Cagayan de Oro chapter.
Sa pikas bahin,abli ang Bombo Radyo aron madunggan ang panig usab ni Redondo nga giakusahan batok sa maong isyu.
