CAGAYAN DE ORO CITY – Nakabiya na ang gisakyang eroplano ni kanhi Pres Rodrigo Duterte kuyog ang iyang legal counsel nga si Atty. Salvador Medialdea padulong sa The Hague,Netherlands.
Kini subay sa mando sa International Criminal Court nga dad-on si Duterte sa ilang hawanan aron ipaatubang sa kasong crime against humanity epekto sa reklamo sa war on drugs policy sa nasud.
Molungtad sa 72 oras ang paglupad sa eroplano diin mohimo kini’g stop over sa Dubai ayha molahos sa Amsterdam,Netherlands.
Una niini,gitinguha sa legal team ni Duterte nga makakuha’g temporary restraining order sa Korte Suprema batok sa ICC order.
Dumduman nga gisulaya’g bisita ni Vice Pres Sara Duterte ang iyang amahan sulod sa Villamor Airbase apan wala pasudla tungod sa gipatuman nga istrikto nga protocol.
