CAGAYAN DE ORO CITY – Naluwas kay padulong sa daghang water lily ang duha ka giingong magka-relasyong pulos babaye nga grade 9 students nga dungann nanglukso sa Maharlika Bridge ning syudad kagabii.
Kini human gilayong mihimo sa search and rescue operations ang mga sakop sa Philippine Coast Guard ug City Disaster Risk Reduction Management Deparment – Urban Search and Rescue Unit (CDRRMD-USAR) sa hitabo.
Gibutyag ni Alvin Tan,PCG 10 auxiliary nga nakit-an ang duruha sa kilid na sa suba tunga sa oras gikan sa paglukso sa Cagayan River.
Nasuta nga usa sa mga biktima nag-atubang sa grabeng depresyon nga gitoohan nga rason sa hitabo.
Una nang nasayran nga pulos tinun-an sa dakong unibersidad duol sa Maharlika Bridge ang mga biktima nga nag-edad 14 ug 15 nga residente sa Iponan ug Brgy Lumbia ning syudad.
Pinakaunang higayon nga duha ka buok ang dungan naglukso sa maong tulay sukwahi sa milabay’ng mga katuigan tungod sa paghambin sa depresyon.
