CAGAYAN DE ORO CITY – Nagka-komosyon sulod sa Cagayan de Oro Water District o COWD kinsa nagbaton sa regular ug interim management officials.
Kini human giakusar sa panig ni acting regular COWD General Manager Engr Edna Najeal nga puwersadong gisulod sa grupo ni interim General Manager Fermin Jarales ang opisina niini kay adunay mga dokumento nga gipangkuha.
Nagsumikad ang komosyon nunot sa gilugwa nga hukom ni kanhi Regional Trial Court Branch 41 Presiding Judge Joeffre Acebido nga nagmando nga moiway na sa full intervention ang Local Water Utilities Administration o LWUA sa COWD.
Kini tungod kay alang sa korte dili ensakto ang aksyon sa LWUA nga nagsumikad usab mando ni Pres Bongbong Marcos nga tutukan ang sistemang panubig sa dakbayan.
Namahayag si Najeal nga grupo ni Jarales ang puwersadong misulod sa ilang buhatan aron pagkuha sa dili pa tumbok nga mga dokumento.
Sukad misanong ang LWUA sa sugo ni Marcos nga tutukan ang isyu sa COWD,wala usab ilha sa regular COWD mngt ang presensiya sa interim board of directors ug Jarales nga mi-epekto niadtong Mayo 2024.
Hisayrang mipalag si Najeal kay walay gihimo nga pag-aresto ang mga pulis ngadto sa grupo ni Jarales nga libre nakagawas sa bisinidad sa COWD kaganihang buntag.
