CAGAYAN DE ORO CITY – Nahulipan ang kasadya ngadto sa kasub-anan sa tulo ka pamilya nga kabahin sa nakig-duyog sa kasaulugan sa Domingo sa Pagkabanhaw sa nagkadaiyang bahin sa Northern Mindanano.
Kini human kompirmaha ni Police Regional Office 10 spokesperson Major Joann Navarro nga nakatala ang ilang lower units sa tulo ka magkalahing pagkalumos-patay sa beach ug river goers kagahapong adlawa.
Gibutyag ni Navarro nga kini gilakipan 8-anyos nga batang lalaki nga pakyas maluwas sa mga doktor nga tinguha moluwas kaniya gikan sa pagkalumos sa gikan sa pagkaligo niini.
Gikauban sa pagkaligo sa biktima ang inahan niini apan nalipat kini hinungdan sa hitabo.
Natala ang ikaduhang gitoohang pagkalumos-patay sa 18 anyos nga babaye sa suba sa Minsuro,Manolo Fortich,Bukidnon.
Namahayag si Navarro nga mihimo pa sa dugang operasyon ang mga otoridad aron makit-an ang nalumos nga biktima.
Samtang nalumos-patay usab ang 54 anyos nga lalaki nga kamulong kaligo sa dagat sa Camanga,Manticao,Misamis Oriental.
Nagsulti si Navarro nga subay sa nalabay’ng impormasyon sa local responders nga nakainom daan ang biktima ug giingong kalit mitukar ang gihambing sakit sa kasingkasing niini hinungdan sa iyang kamatayon kagahapong adlawa.
