CAGAYAN DE ORO CITY – Sang-atan sa kasong kriminal ang trak drayber nga hinungdan sa kamatayon sa tulo ka bagitong pulis sa dugu-ong aksidente sa Purok 2,Brgy Pigcarangan,Tubod,Lanao del Norte.
Kini maoy gitaho ni Police Regional Office 10 spokesperson Major Joann Navarro kabahin sa hitabo nga natigayon sa miaging Huwebes Santos sa kadlawon.
Miingon si Navarro nga purisigido ang mga pamilya sa mga kauban nila nga pulis nga kasuhan ang drayber nga si Jonre Rosie Banuelos,34 anyos nga taga-Clarin,Misamis Occidental gumikan sa hitabo.
Siya miingon nga kasong reckless imprudence resulting into multiple homicide ang isang-at batok Banuelos sa piskalya sa Lanao del Norte.
Dumduman nga dead on the spot ang mga biktima nga sila Corporals Samanodin Mamarinta Panganting,legal ang edad,minyo-taga Brgy Pened,Poona Piagapo;Juderay Sabate Rubillar,29 anyos,minyo nga residente sa Purok 1,Brgy Abaga, Lala ug Frederick Denn Morales Espra,33 anyos,minyo nga molopyo sa Brgy Taguictic,Kapatagan sa maong probinsya dihang gika-engkuwentro ang trak.
Hisayrang ang mga biktima classmates sa pagsulod nila sa pagka-pulis ug nadestino lamang sa magkalahing unit apan pulos ubos sa Lanao del Norte Police Provincial Office.
