CAGAYAN DE ORO CITY – Kasuhan sa pagsupak sa Comprehensive Dangerous Drugs Act of 2002 ang duha ka suspected drug pushers nga nasignit sa tropa sa Regional Police Drug Enforcement Unit o RPDEU 10 sa buy-bust operation sa Bontong,Brgy Camaman-an ning syudad.
Miigon si Police Regional Office 10 spokesperson Major Joann Navarro nga maoy nadakpan sa RPDEU 10 operatives ang mga suspek nga sila alyas Shuti, 19 anyos,Vinmar, 21 anyos apan pakyas makuha si alyas Pat nga target sa operasyon kay nakasibat.
Sa maong operasyon, nabawian ang mga dinakpan sa 65 gramos nga gitoohang shabu nga nagkantidad sa 442-mil pesos ingo man ubang drug paraphernalia.
Dugtong niini, gidayeg ni PRO 10 Director Brig Gen Jaysen De Guzman ang mga operatiba nga milampos paghipos sa mga dinakpan nga dako’g kadaot sa katilingban kung wala mabawi-i sa illegal na droga.
