CAGAYAN DE ORO CITY – Gikatag na sa Police Regional Office 10 ang ilang 400 ka pulis isip augmentation force alang sa paghatag sa dugang seguridad sa Bangsamoro Autonomous Region in Muslim Mindanao o BARMM.
Kini human gipahigayon ang send off ceremony sa maong mga pulis sa Kampo Alagar nga gisaksihan sa Commission on Elections 10 officials kagahapong adlawa.
Miingon si PRO 10 regional director Brig Gen Jaysen De Guzman nga dako ang papel sa maong mga pulis sa maong rehiyon aron makab-ot ang kahusay’g kalinaw sa piliay diin sila magsilbing board of election inspector members.
Siya miingon nga magsilbing kabahin sa kasaysayan ang maong mga pulis nga mohimo’g pag-sakripisyo sa BARMM diin wala igsapayan nga malayo sa ilang mga pamilya tungod sa tawag sa trabaho sa May 12 elections.
