CAGAYAN DE ORO CITY – Nagsaka pa sa 104 ka indibidwal nga nag-atubang sa kasupakan sa gun ban violation sa nagkadaiyang piskalya sa Northern Mindanao region.
Kini bisan kung natibawas na ang May 12 elections apan pabiling aktibo pa ang pagpatuman sa gun ban batok sa mga armas nga kulang ang dokumento ug walay konsiderasyon gikan sa Commission on Elections o Comelec.
Gibutyag ni Major Joann Navarro,tigpamaba sa Police Regional Office 10 nga ang maong mga personalidad nabawian sa 96 ka armas ug 776 ka klase-klaseng mga bala.
Siya miingon nga tungod sa kahugot sa pagbantay batok sa illegal nga armas,naminusan usab ang kahigayunan sa mga kriminal pagbuhat sa kreminalidad.
Hisayrang molungtad pa ang gun ban sa petsa 11 sa Hunyo ning tuiga.
