CAGAYAN DE ORO CITY – Gamiton sa Police Regional Office 10 ang best practices sa bag-uhay natapos nga 2025 midterm elections alang sa ipatuman nga seguridad sa Northern Mindanao sa December Brgy ug SK elections ning tuiga.
Kini human kompirmaha ni PRO 10 spokesperson Major Joann Navarro nga nakab-ot sa rehiyon ang halos ‘zero election related violence’ sa milabay’ng Mayo 12 nga piliay.
Namahayag si Navarro nga gusto nila ipatuman ang susama nga security implementation plan diin giduyugan sa tanang stakeholders hinungdan nakab-ot ang sobra ka malinawon nga national ug local elections ning semanaha lamang.
Hisayrang sa milabay’ng 2023 Brgy ug SK elections sa rehiyon,nakatala ang PNP sa 15 ka kagubot may kalabutan sa init nga bangi sa politika nga mugna sa mga kantidado.
