CAGAYAN DE ORO CITY – Gihatagan sa taas nga pag-ila ang tanang mga pulis nga ubos sa Police Regional Office 10 nga kabahin sa naghatag serbisyo sa Northern Mindanao sa May 12 elections.
Kini atoll sa gilusad nga flag raising ceremony sa Kampo Alagar diin gitambungan sa senior PRO 10 officials ning adlawa.
Miingon si PRO 10 deputy director for administration Brig Gen Joselito Clarito nga maoy nagbasa sa mensahe ni PRO 10 regional director Brig Gen Jaysen De Guzman nga dako’g papel nga nahatag ang ilang mga pulis aron makab-ot ang kahusay’g kalinaw sa milabay’ng piliay sa rehiyon.
Siya miingon nga particular nga gihataga’g pag-ila sa Kampo Alagar ang 400 ka pulis nga nagsilbing Special Electoral Board members sa Lanao del Sur.
Miingon ang heneral nga gipasalamatan usab niini ang ubang govt agencies nga nahimong kaabag aron makuha ang pinakahapsay nga paglusad sa eleksyon ning tuiga.
Giawhag usab ni Clarito ang tanan nga respetuhan ang resulta sa eleksyon kay hukom kini sa katawhan.
