CAGAYAN DE ORO CITY – Nagbaton na sa persons of interest ang kapolisan kabahin sa ngilngig nga kamatayon sa magtiayon ug anak nila nga menor de edad sa Purok 11,Brgy Managok,Malaybalay City,Bukidnon.
Si Malaybalay City Police Station commander Capt.James Tabequero miila sa magtiayon nga sila Jovannie ug Evangeline Andohon pulos hingkod ang mga edad diin sila nahiagom sa grabeng mga bun-og ug mga samad hinungdan sa ilang mga kamatayon.
Matud sa opisyal nga gipaubos usab sa protection custody ang duha ka anak menor de edad sa magtiayong Andohon kinsa maoy nakasaksi sa ngilngig nga kremin.
Pagsaysay sa imbestigasyon nga wala nakabantay ang mga suspek sa lokasyon sa duha ka igsoon sanglit wala nakasiga ang suga sulod sa balay dihang gihimo ang masaker sa miaging Miyerkules.
Sa inisyal nga pakisusi,anggulo sa bangi sa negosyo ug yuta ang tipik sa mga gisusi sa kapolisan nga hinungdan sa ngilngig nga kremin.(with reports Bombo Radyo Malaybalay).
