CAGAYA DE ORO CITY – Gitas-an pa ang cash reward money ngadto sa P50-mil nga mahatag sa kagamhanang-syudad ngadto sa pipila ka tawo nga adunay direktang kasayuran sa persons of interest nga responsabli pagmasaker patay sa magtiayon ug menor de edad nga anak sulod sa pinuy-anan sa Purok 11,Brgy Managok,Malaybalay City,Bukidnon.
Kini aron mapadali ang pagdakop sa mga responsabli ug manubag sa mga salaod nga nahimo niini ngadto sa magtiayong Jovannie ug Evangeline Andohon pulos hingkod ang mga edad diin sila nahiagom sa grabeng mga bun-og ug mga samad hinungdan sa ilang mga kamatayon.
Gibutyag ni Malaybalay City Police Station commander Capt.James Tabequero nga naglugwa na usab sila sa computerized facial composite aron mahataga’g ideya nga kaanggid kini sa gisaysay sa mga testigo nga mihimo sa kremin.
Miingon si Tabequero nga wala lang sila nag-pokus sa ilang teritoryo apan gihangyo usab nila ang ubang police units nga tabangan sila sa pagtumbok sa lokasyon sa POIs.
Una gipangbunala’g ‘maso’ ang mga biktima sulod sa ilang balay samtang natulog hinungdan sa kamatayon niini ug nakasibat ang mga mihimo sa kremin.
Anggulo sa yuta ug pagpanguma ang tipik sa mga rason nga adunay gipang-patay nga tulo ka sakop sa pamilya.
