CAGAYAN DE ORO CITY – Gikalipay ni Misamis Oriental Provincial Gov Peter Unabia nga giklaro ni incoming Gov Juliette Uy nga wala pa’y pinal sa ilang hukom kabahin sa mga casual ug job orders sa kapitolyo probinsyal.
Kini human unang nabaniug nga adunay pagbag-o sa mga empleyado sa kapitolyo igo paghupas sa termino ni Unabia.
Gihinaut usab sa gobernador nga sama sa iyang gihimo,gamay lang nga bag-ong mga empleyado ang idugang aron dili maapektuhan ang panginabuhan sa kasamtangang mga trabahante sa lalawigan.
Hisayrang nagpagawas sa katin-awan ang kampo ni Uy nga wala pa kini naghatag komento sa bisan unsa nga kalihukan sa kapitolyo.
Kini tungod kay naglikay kini nga maguba ang transition process tali sa Unabia administration ug sa mopulihay sa kapitolyo-probinsyal.
