CAGAYAN DE OR CITY – Masaligon ang mga alyado ni City Mayor Klarex Uy nga mobunga sa daghang kaayuhan ang ipatuman nga ‘strong political will’ niini kabahin sa pagdumala sa dakbayan sa laing tulo ka tuig.
Kini ang nakit-an ni Janboy Actub,tigpamaba sa mayor kinsa mihatag sa hait nga mensahe atubangan sa mga empleyado sa lauman nga mahitabo sa ikaduhang termino pagdumala sa dakbayan.
Namahayag si Actub nga ikaduhang termino ni Klarex ang matawag nga iyaha na gayud nga programa ug mga serbisyo kay nalagpasan na niini ang pagtandi kaniya sa naglabay’ng administrasyon.
Dumduman nga sa pagbalik pagkita ni Klarex sa mga empleyado,nakuratan ang tanan kay nanganti kini nga siya na ang masunod kay humana niya hatagi’g higayon ang kadaghanan sa milaba’yng unang termino.
Hisayrang nanganti kini nga daghan sa job orders ug casual employees ang dili na niya hataga’g higayon maka-trabaho’g balik sa oras matapos na ang mga kontrata sa Hunyo 30 ning tuiga.
