CAGAYAN DE ORO CITY – Gisundayag na sa organizers sa Ms Cagayan de Oro 2025 ang dose ka mga maanyag nga dalagang Cagay-anons ug tukob sa kalantip sa salabutan atubangan sa pageant fanatics ug local media sa event center sa Centrio Ayala Mall ning syudad.
Kini human opisyal nang gipaila ang mga kandidata sa katawhan ug media diin sila mopili kung kinsa ang mahimong ‘darling of the press’ nga isundayag ang mananaug sa mismong pageant coronation night sa Agosto ning tuiga.
Matud ni Ms CdeO 2025 Organization chairperson incoming 2nd District City Councilor Gigi Go nga dili lang ang bitbit nga kaanyag ug ka-alam ang ipakita sa mga kandidata apan ang kinaiyang Cagay-anon sa mga kandidata nga maoy naghatag sa dugang pagdani kabahin sa syudad.
Siya miingon nga ang maong kalihukan ang sa daghang highlights sa kapistahan sa patron sa Agustin sa syudad matag-28 sa Agosto kada-tuig.
Dugtong niini,gi-imbitar ni Go ang Cagay-anons ug mga bisita nga saksihan ang pre-pageant related events sa mga kandidata sa ika-60 ka tuig nga panagtigi sa kaanyag sanglit naka-suporta ang tagsa-tagsa nila ka pamilya,mga higala ug brgy officials diin sila naggikan.
Himoon ang koronasyon alang sa bag-ong Ms Cagayan de Oro sa Atrium,Limketkai Mall ning syudad sa Agosto 23 sa gabii diin saksihan ni City Mayor Rolando ‘Klarex’ Uy ug ubang mga opisyal sa kagamhanan.
Tipik sa mga kandidata nga naglangkob sa pageant competition sa Ms Cagayan de Oro ning tuiga sila:
- Ghia Bella Joice Aranas (Barangay Kauswagan)
- Prexy Joy Albacete (Barangay Carmen)
- Shane Gwen Agcopra Macalungan (Barangay Camaman-an)
- Charlaine Shrose Batobato (Barangay Gusa)
- Melody Lusterio (Barangay Lumbia)
- Christine Campion (Barangay Bulua)
- Shades De Lara Caminos (Barangay Macabalan)
- Gwyneth Jemimah Chan (Barangay Lapasan)
- Francienne Elle Simon (Barangay FS Catanico)
- Berjayneth Chee (Barangay Bulua)
- Francine Mushieda Abueva (Barangay Macasandig)
- Rianne Mae Mofar Getuaban (Barangay Camaman-an)
