CAGAYAN DE ORO CITY – Dili solido nga depensa alang kang XU-Ateneo de Cagayan Law Professor Atty. Oscar Moreno ang gipamugos sa kampo ni Vice Pres Sara Duterte nga nasupak sa kamarabaha ang 1-year ban sa pagdawat sa impeachment complaint
Kini human unang gibalik sa 18 ka senadores ang articles of impeachment batok VP Sara sa kamarabaha aron ipasusi’g utro kung dili ba kasupakan sa balaod nga adunay upat ka reklamo ang nasang-at sulod lang sa usa ka tuig.
Namahayag si Moreno nga tinood nga adunay upat ka reklamo ang naduso apan usa lang ang gihataga’g aksyon ni Speaker Martin Romualdez diin kini kaugalingong resulta sa imbestigasyon sa usa ka komitiba nga nag-imbestigar sa bise-presidente.
Hisayrang may pending usab nga petition si VP Sara sa Korte Suprema kabahin sa legalidad sa impeachment complaint nga gipasaka sa kamarabaha batok kaniya.
