CAGAYAN DE ORO CITY – Kasuhan sa kapolisan sa pagsupak sa Anti-Agriculture Sabotage ug ubang balaod nga nasupak ang dul-an 10 ka tawo nga nadakpan sa Purok 1,Brgy Punta Silum,Manticao,Misamis Oriental.
Sa nakaabot nga impormasyon sa opisina ni Misamis Oriental Police Provincial Office Director Col. Wilbur Salaguste,maoy nasakote sa tropa sa Manticao Municipal Police Station ang 500 ka kahon nga puno sa klase-klaseng sigarilyo nga gitoohang inismagol.
Sa nalatid nga taho anaa sa 20 milyones pesos ang kantidad sa suspected smuggled cigarettes nga gidiskarga sa mga dinakpan gikan sa sakayang-pandagat sa maong lugar sa kaganihang kadlawon.
Dugang ni Salaguste nga nakadawat sa impormasyon gikan sa nagpakabanang mga residente kabahin sa presensiya sa kalihukang illegal rason nga gikasa ang operasyon.
Detinado ang maong mga personalidad ug gitakdang itugyan sa kapolisan sa Bureau of Customs ang nangabawi nga mga kontrabando.
Sulod gihapon sa maong semana,anaa sa sobra 2 milyones pesos nga balor sa inismagol nga sigarilyo ang mga otoridad sa lungsod sa Opol ning lalawigan.
