CAGAYAN DE ORO CITY – Dakong imposible nga daghang mosunod nga mga mayores sa buhaton ni Naga City Mayor Leni Robredo nga dili mogamit sa confidential funds sa iyang pagdumala sa mga programa niini sa ilang lugar.
Kini ang reaksyon ni Citizens Watch for Good Governance o CWGG 10 convenor Atty Antonio Soriano kung kaya ba mosunod niini ang ubang mga mayores ug gobernadores sa gihimong lakang sa kanhi bise-presidente.
Miingon si Soriano nga hinoon dili dautan ang maong pondo kay gitugot sa balaod apan dili usab kalikayan ang pagduda nga ma-abuso kini sa pipila.
Kini ilabina nga dili na mahimong ipaubos sa pag-audit ang maong pondo sa salapi.
