CAGAYAN DE ORO CITY – Anggulo sa trabaho ang gitutukan sa kapolisan kung nganong gipusil-patay sa wala ilhi nga utok sa kremin pinaagi sa motorcycle in tandem suspects ang trabahante sa National Irrigation Administration/NIA 10 sa Crossing,Brgy Patag ning syudad kagahapong adlawa.
Kini subay sa pasiunang pagpangimbistigar ni Carmen Police Station commander Major Peter Tajor gidangatan sa biktima nga si Niruh Kyle Antatico,35 anyos,minyo nga taga-Brgy Iponan sa dakbayan.
Matud ni Tajor nga nasugilon sa kapikas sa biktima nga nakadawat kini sa bahad gikan sa iyang pipila ka kauban sa trabaho gumikan sa pagbulgar sa giingong mga kahiwian sa mga proyekto nga gipatuman sa NIA didto sa Lanao del Sur.
Siya miingon nga wala pa sila’y gitumbok kung kinsa ang utok sa kremin nga maoy misugo sa mga mamumuno rason nga limitado ang impormasyon nga gipagawas nila alayon sa subsob pa nga imbestigasyon.
Dugang ni Tajor nga mohimo pa sa sila sa koordinasyon sa pinakaulahi nga ahensiya sa gobierno diin nag-trabaho ang biktima aron matugkad ang posibleng motibo sa kremin.
Nahiagom si Kyle sa upat ka igo pinusilan sa mga suspek gamit ang kalibre 9mm pistol dihang gidul-itan ang gimaneho niya nga sakyanan.
Gidala pa sa ospital apan patay nang nahiling sa mga mananambal.
Dugtong niini,gilayong miani sa grabeng pagbatikos gikan sa legal profession ang gidangatan ni Niruh.
Nanulti ang pipila ka mga abogado nga nahanaw man tu-od si Kyle apan nagbilin kini sa legasiya sa kamatuoran kabahin sa nabulgar nga kurapsyon sulod sa NIA.
Sa pagkutlo ning balita,wala pa’y komento ang opisina diin siya konektado kabahi sa gidangatan.
Hisayrang Nobyembre 2024 pa nagsugod ang pagkadawat ni Antatico sa hulga sa iyang kinabuhi gumikan sa corruption expose niini nga giingong binuhatan sa pipila ka kauban sa trabaho sa NIA -10.
