Mismo ang anak-babaye nga si Katrina Ponce Enrile ang nagkompirma sa kamatayon ni kanhi Senate President Juan Ponce Enrile sa edad 101 karong hapon lamang.
Siya unang naghambin sa sakit nga pulmonya diin siya gisulod sa intensive care unit sa usa ka ospital sa kauluhan aron mapadali ang pag-atiman kaniya sa milabay’ng mga adlaw.
Apan daan nang nanulti ang mga anak niini nga tungod sa nagka-grabeng kahimtang sa ilang amahan,dili na magdugay ang iyang kinabuhi.
Si Enrile ang pinaka-edaran nga aktibong opisyal sa gobierno diin daghang administrasyon ang naabtan niini.
Sa wala pa mosulod sa politika si Enrile,nagkuha kini sa kursong Bachelor of Laws sa tuig 1953 sa University of the Philippines diin siya nagsilbing cum laude graduate ug nag-master of laws sa Harvard Law School niadtong 1955.
Naila pagsugod sa politika si Enrile sa administrasyon ni kanhi Pres Ferdinand Marcos Sr sa 1965 diin siya ang ilado nga sinaligan niini.
Nagsilbi kini nga komisyoner sa Bureau of Customs,undersecretary ug acting secretary sa Department of Finance ayha nahimong kalihim sa Department of Justice.
Misikat pag-ayo si Enrile sa pagsilbi niya nga defense minister Pebrero 1970 kay natahasan kini ni Marcos Sr mga panguluhan ang pagpatuman sa deklarasyong Martia Law sa tuig 1972 nga milungtad sa 20 anyos.
Apan taliwala sa pagsalig kang Marcos Sr kaniya,giatras niya ang iyang suporta ug tipik sa taas nga opisyal nga nangulo sa 1986 EDSA People Power 1 Revolution aron putlon ang balaod-militar.
Misulod sa politika si Enrile sugod 1987 hangtod 1992 isip senador ug kongresista sa 1995.
Nagpapili’g balik sa pagka-senador sa 1995,2004 ug 2010.
Sa 2022 presidential elections, gisuportahan niya ang kandidatura kaniadto ni Ferdinand Marcos Jr rason nga gitahasan kini isip presidential legal counsel sa kasamtangan.
Sa kasamtangang panahon,adunay mikonsidera kaniya nga ‘immortal’ kay nahimugso kini Pebrero 14, 1924 diin nagsilbing pinakatigulang nga miembro sa gabinete ni Marcos Jr.
Gani,nalabwan pa niya sila late United Kingdom Queen Elizabeth ug Thailand King Rama IX nga gikonsidera nga ‘longest reigning monarchs’ sa ika-20 nga siglo.
Sa buhi pa kaniadto si Enrile,nakasulti kini nga tipik sa nagpataas sa iyang kinabuhi ang kugi nga pagkonsumo sa mga utan ug seryoso nga pag-ensayo aron epektibong ma-alkontrahan ang nagtaas nga edad.
Hisayrang nagsugod sa serbisyo-publiko si Enrile sa panahon ni Marcos Sr ug natapos usab kini sa kasamtangang Marcos Jr administration.
