Mosalmot ang Gabriela Women’s Party sa Halapad nga protesta karong Nobyembre 30 sa Luneta dungan sa Bonifacio Day batok sa nagkagrabeng korapsyon ug mga opisyal nga nangawat sa kaban sa katawhan.
Ang daghang pag-apil sa mga tawo nagpakita sa ilang kalagot tungod sa nanghinobrang pang-abuso sa pondo sa gobyerno.
Matud ni Elago, ang mga tawo naghangyo og hustisya ug accountability, ug gusto nilang ibalik ang mga nakawat nga kwarta aron magamit sa mga serbisyo sama sa edukasyon, kahimsog, ug puluy-anan.
Ang mensahe sa Gabriela Women’s Party mao ang, “Sobra na ang pag-antos, panahon na nga pabayron ang mga korap,” tungod kay grabe ang kalisud nga gibati sa katawhan, labi na sa kababayen-an, tungod na usab sa taas nga presyo sa palaliton ug gamay ra nga suhulan. (Jane Mae Abulag)
