Gikataw-an lang sa daghang sector sa katilingban ang unang saad ni Pres Bongbong Marcos nga dili na subli bahaon ang katawhan sa Cebu.
Kini human nalusad ang Oplan Kontra Baha sa Metro Cebu diin gipanganti sa pangulo nga dili na mautro ang grabeng pagbaha epekto sa bagyong Tino diin mikalas gatusang kinabuhi sa katawhan.
Gipasabot sa Presidente nga sa sulod sa usa ka tuig, matutukan ang problema sa baha pinaagi sa pag-kalot sa mga mabaw nga suba ug pagtukod ug mga sabo dam sa kabukiran sa Cebu.
Ang mga sabo dam magpahinay sa pag-agas sa tubig, magpugong sa mga pita, ug magtabang sa paglikay sa kalit nga pagbaha sa mga komunidad.
Gipasiugda sa Presidente nga ang sabo dam usa ka gamay nga estruktura nga dili magtigom og tubig, kundili magkontrol sa agas sa tubig gikan sa mga kabukiran. (Jane Mae Abulag)
