Gilugwa na ni Batangas Congressman Leandro Leviste ang nahuptan niya nga kopya sa 2025 DPWH budget per district summary file nga giingong gikan sa namatay nga si Undersecretary Engr. Catalina Cabral.
Nalatid sa document ang gitawag nga ‘NEP RESTORED’ nga mitumbok sa allocable budget sa tinuig nga alokasyon nga mahimong mahatag ngadto sa kada-kongresista sa distrito.
Nagkantidad kini sa 401.3 bilyon pesos nga giingong napun-an sa 30 milyones pesos ang kada-distrito sa tuig 2025 apan nagkalain-lain ang ensaktong pondo matag-distrito.
Gipasabot sa batan-ong kongresista nga gawas niini,adunay gitawag nga Outside Allocable nga gigahin sa sa nagkadaiyang proponents o funders. Apil niini ang gitawag nga ammendments o insertions gikan sa Kamara,Senado,Bicameral Conference Committee ug bisan sa NEP.
Tungod niini,moabot sa P1.041 trillion ang katibuk-ang pondo alang sa fiscal year 2025 general appropriation act.
Dugang ni Leviste nga ang maong mga pondo gigamit sa DPWH alang sa mga proyekto ug dili para mismong mga proponent.
Kadaghanan sa pondo ang gawas na sa ‘allocable’ sa mga kongresista sa distrito ug gipadagan sa lain pang proponents.
Giklaro usab ni Leviste nga taliwala nga nasulat sa dokumento ang pangalan sa district congressmen nga sila na ang nag-unang budget proponent.
Ang katibuk-ang allocable alang sa district representatives milista sa 401.3 bilyones pesos samtang ang mas dako nga bahin sa 1.041 billion pesos ang anaa sa outside allocable.
Kini nga mga dokumento ang mikatag na sa publiko pinaagi sa media ug gilauman niini nga pipila sa iyang mga kauban sa ubos balay-balauranan ang mobati’g kasuko kaniya tungod niini.
