(Update) CAGAYAN DE ORO CITY – Gitakdang kasuha’g murder sa kapolisan ang kanhi police officer nga gitudlong suspek pagpusil-patay sa kaugalingon niya nga igsoon sa Purok 2,Brgy Tablon ning syudad.
Kini human kompirmaha ni Police Capt Emelita Simon,tigpamaba sa Cagayan de Oro City Police Office nga boluntaryong mitahan na si retired Police Major Eddie Akut sa kustodiya sa PNP-Criminal Investigation and Detection Group 10 pipila ka oras gikan sa hitabo kagahapon sa buntag.
Matud ni Simon nga mas gipili ni Akut nga motahan sa PNP-CIDG sa pagsiguro sa iyang kaluwasan epekto sa pagpusil-patay niini sa kaugalingong igsoon nga si Henry Akut gamit ang kalibre 9mm pistol.
Miingon ang opisyal nga makonsidera nga sulbad na ang kasong pagpatay kay anaa sa kapolisan ang kustodiya sa suspek.
Dumduman nga dugay nang adunay panagbikil ang magsoong Akut apan ang pina-grabe ang managsumbagay sa duruha diin mi-resulta sa pagpamusil sa tugkaran sa balay sa suspek.
Apil sa gitahan sa suspek ang kalibre 40 caliber nga giingong gigamit pagpusil-patay sa iyang igsoon.
Una nang nasuta sa imbestigasyon ni Cugman Police Station commander Major Jason Felicilda nga nagka-kinasuhay na sa brgy ang magsoon ayha ang dugu-ong hitabo.
Hisayrang sa wala pa mi-retiro sa pagka-pulis si Eddie,nahimo usab kining kumander sa Cugman Police Station.
