Gideklarar sa House Committee on Justice nga ‘sufficient in substance’ ang duha ka impeachment complaints nga gisang-at batok kang Bise Presidente Sara Duterte, nga managsama nga nakadawat sa boto nga 54 ka pag-uyon, 1 ka pagsupak ug walay nag-abstain.
Tagaan sa komite si Bise Presidente Sara Duterte sa higayon nga motubag sa duha ka impeachment complaints batok kaniya sa sulod o dili molapas sa napulo ka adlaw gikan sa oras nga madawat niya ang abiso.
Kung makadawat na sa kampo sa bise ang abiso, gilauman nga ipresentar ni Duterte ang iyang tubag sa komite sulod sa gihatag nga panahon.
Ang House Committee on Justice motimbang-timbang sa iyang depensa ug sa mga ebidensya nga gisang-at sa mga nagpasaka sa reklamo.
