Gibutyag ni Antonio Soriano nga ang mga reklamo batok kang Ferdinand Marcos Jr. nakalabay na sa proseso nga gitawag og sufficiency in form.
Apan posible gihapon nga dili kini makalusot sa sufficiency in substance kung ang mga alegasyon dili suportado sa Konstitusyon.
Iyang gipasabut nga, pananglitan, sa reklamo nga giingong wala kunoy napugngan sa pangulo ang korapsyon sa mga proyekto sa flood control, dili kini direktang responsibilidad sa presidente tungod kay kasagaran nga ginadumala kini sa Department of Public Works and Highways ug sa Kongreso.
Gidugang pa niya nga dili basta-basta matawag og unconstitutional ang usa ka balaod sama sa General Appropriations Act gawas kung adunay pinal nga desisyon gikan sa Supreme Court of the Philippines.
Busa, matod ni Soriano, ang mga alegasyon sama sa giingong blanko nga bahin sa appropriation act dili pa mahimong ikonsiderang paglapas sa Konstitusyon kung wala pa kini ideklarar nga unconstitutional sa Korte Suprema. (Jane Abulag)
