Giangkon ni Atty. Jojo Lacanilao, convenor sa Duterte Panagutin Campaign Network Movement, nga blangko pa ang kadaghanan kung unsay mosunod nga lakang sa Senado human kini nag‑convene kagahapon isip impeachment court.
Matod pa niya, lisod tagnaon ang dagan sa politika matag adlaw. Subay sa iyang pagsusi, ang kasamtangang mayoriya sa Senado nailhan nga mga kaalyado ni Bise Presidente Sara Duterte, diin kadaghanan kanila nakapahayag na sa ilang baroganan.
Sa laing bahin, gipunting usab niya si Senador Robin Padilla nga kaniadto pa nideklarar sa iyang pagsupak sa bisan unsang impeachment tungod sa iyang pagpabilin sa oposisyon.
Busa alang kang Lacanilao, dili pa matino sa pagkakaron kung unsa nga baroganan ang mopatigbabaw sa tibuok Senado.
