Miabot sa kapin 1.5 milyon ang mga pasaherong niagi sa Parañaque Integrated Terminal Exchange (PITX) karong Undas 2026 nga mas taas kung itandi sa susamang panahon niadtong niaging tuig.
Bisan pa niana, gipatin-aw ni PITX Senior Corporate Kolyn Calbasa nga mas ubos ang ihap sa mga gabiyahe partikular alang sa kalag-kalag.
Matud ni Calbasa, lakip sa kinatibuk-ang ihap ang mga regular nga commuter, partikular na ang gagamit sa LRT ug ang mga motorista nga mas gipiling mag-commute tungod sa taas nga presyo sa gasolina.
Dugtong niini, isa matud pa sa mga hinungdan sa pagkunhod sa Undas travellers ang gilaumang mas taas nga bakasyon sa bulan sa Nobyembre mahitungod sa ASEAN Summit busa dunay ubang biyahero gi-oktaba una ang pag-uli sa mga probinsya. (raniel mahunyag)
