Gibutyag ni NCRPO Spokesperson Lt. Col. Hazel Asilo nga naa na sa ‘final stage’ ang preparasyon sa ilang puwersa alang sa nagkaduol nga 49th ASEAN Summit nga ipahigayon dinhi sa nasud sa Nobyembre 16 hangtud 18 ning tuig sa 2026.
Kumpirmadong motambong sa maong summit ang nag-unang lider sa 11 ka nasud sa ASEAN sa pagpangulo ni Presidente Ferdinand Marcos Jr.
Gilauman usab ang pag-abot sa mga lider gikan sa dialogue partners sama ni US President Donald Trump ug uban pang mga representante sa mga kaalyadong nasud ug international organizations.
Matud ni Asilo, nakaandam na ang anaa sa 12,600 nga personahe sa kapulisan nga ideploy sa nagkalain-laing importanteng dapit ug pasilidad.
Dugang pa sa tigpamaba, mamahimo pang mabag-o ang maong ihap depende sa mahimong panginahanglan ug mosalig usab sila sa kooperasyon sa mga allied agencies ug uban pang ahensya sa kagamhanan.
Dugtong niini, gikatakdang ipasaka sa full status alert ang tibuok han-ay sa kapulisan samtang gapaduol ang petsa sa maong panagtigum aron masiguro ang kaluwasan ug kahapsay alang sa malampusong pagpahigayon sa 49th ASEAN Summit. (raniel mahunyag)
