Gitan-aw sa City Environment and Natural Resources Office ang epekto sa gipatuman nga disiplina sa basura sulod sa mga sementeryo sa Cagayan de Oro sa natapos nga Kalag-Kalag.
Gipahayag ni Engr. Primo Revilla III nga dakong kalampusan ang pagdili sa pagdagkot og kandila kilid sa mga pantyon kay nakasagang kini sa peligro sa sunog ug nakapabilin nga limpyo sa mga lapida.
Gitudlo sa opisyal nga nakatabang usab ang mga giandam nga centralized dagkotanan ug libreng water refilling stations alang sa mga nagdala og tumbler.
Tungod sa maong sistema, nagpabiling hapsay ug walay nagtapok nga basurang plastik sa tibuok sementeryo.
