Pope Leo XIV, nagpahayag sa iyang kalipay sa pagbalik niya sa Peru

Gipadayag ni Pope Leo XIV ngadto sa mga peryodista sakay sa eroplano padulong sa Montevideo, Uruguay, nga ang pinakataas nga bahin sa iyang 12 ka adlaw nga apostolikong pagbiyahe sa Latin America kay igahin alang sa Peru, nga iyang gihulagway isip usa sa iyang daghang pinuy-anan.

Gipahayag sa Santo Papa ang iyang dakong kalipay sa pagbalik sa maong nasud diin siya miserbisyo og kapin sa 20 ka tuig isip misyonaryong pari ug ulahing nangalagad isip obispo sa Diocese of Chiclayo.

Matud pa sa Santo Papa, ang nag-unang katuyoan sa iyang pagbiyahe mao ang pagpadayon sa misyon sa Obispo sa Roma pinaagi sa pagpaambit sa kalipay sa Ebanghelyo ug pagmantala sa Maayong Balita.

Gipasiugda usab niya ang kamahinungdanon sa pagpakig-uban sa katawhan ug pagpakita sa iyang pagkasuod kanila, ilabina sa panahon sa ilang kalipay ug kasubo, pinaagi sa paghatag og mensahe sa paglaum ngadto sa kalibutan. (raniel mahunyag)