Gihisgutan na ni Mayor Rolando “Klarex” Uy ang hangyo sa mga kapitan alang sa pag-release sa lima ka porsiyento nga Barangay Disaster Risk Reduction and Management Fund alang sa 80 ka barangay sa Cagayan de Oro.
Gipasabot ni City Information Officer Jade Adeser nga gitan-aw sa kagamhanang lokal ang pag-download sa maong pondo diretso sa matag barangay aron hatagan og katungod ug kahigayonan ang mga kapitan nga makadesisyon subay sa panginahanglanon sa ilang mga residente.
Gisulti ni Adeser nga nagka-uyon na ang kagamhanang lokal nga nagkadaiya ang kabukiran ug sentro nga barangay, busa mas angay nga ang pamunoan mismo sa mga barangay ang mogiya sa pag-alokar sa pondo.
Busa, gibarugan sa dakbayan nga ang paghatag og gahum sa mga kapitan mao ang pinakapaspas nga solusyon sa pagtubag sa krisis sa matag komunidad
