Wala pa girekomenda sa CAFITADA ang pagpataas pagbalik sa adlaw-adlaw nga abang sa mga unit sa taxi taliwala sa natad nga rollback sa presyo sa petrolyo.
Miingon si CAFITADA President Bernie Jamaca nga bisan pa man sa hangyo sa pipila ka operators nga ibalik sa ₱1,100 gikan sa ₱1,000 ang abang, nagpabilin nga kabalaka sa pipila ang pagka-vulnerable o kadali mag-usab-usab sa presyo sa lana sa merkado karong panahona.
Gisulti ni Jamaca nga basin temporaryo lamang ang maong pag-ubos ug subli mosaka nasad ang presyo sa sunod mga semana.
Tungod niini, nanawagan ang opisyal sa mga operators nga magmatngon ug dili una magdalidali sa pag-adjust sa rental rates aron dili usab mag-antus ang mga drayber sa nagpadayong instability sa ekonomiya.
