Gihingusgan sa ekonomista nga si kanhi Misamis Oriental Vice Governor Joey Pelaez nga ang higpit nga pagpatuman sa mga balaod sa kinaiyahan ang tubag aron dili madaot ang atong palibot sa pagsulod sa proyektong Pax Silica imbes nga babagan dayon ang maong proyekto.
Gipunting ni Pelaez nga aduna nay igong proteksyon ang nasud sama sa Clean Water Act, Clean Air Act, ug Solid Waste Management Act nga angay lang sundon sa mga kompanya ug panawagan sa mga nagprotesta nga ipatuman sa gobyerno.
Gipasabot sa kanhi opisyal nga natural lang nga mogamit og tubig ug kuryente ang bisan unsang industriya apan mahimo kining pugngan nga makadaot kon hugot ang pagbantay sa mga awtoridad ug katawhan.
Gikabalak an sa ekonomista nga kon magpadayon ang sobrang pagbabag, basin mosibog ang mga negosyante ug mobalhin ngadto sa Vietnam o Malaysia hinungdan nga maalkansi na hinuon ang Pilipinas.-











