CAGAYAN DE ORO CITY – Samaron nga nadakpan ang murder suspect nga unang nakig-engkuwentro sa joint operation sa kapolisan,militar ug 7th Brigade Inner Defense GHG Base Command sa Moro Islamic Liberation Front sa Brgy Dimapatoy,Bubong, Lanao del Sur.
Si Lanao del Sur Police Provincial Office Director Col. Robert Daculan miila sa dinakpan nga si alyas Pikoy nga nagpuyo sa maong lugar nga nag-atubang sa kasong pagpatay sa korte sa Marawi City.
Siya miingon nga gisilbi ang warrant of arrest batok Pikoy kay kini ang gitumbok sa imbestigasyon nga mipusil-patay sa iyang iyaan nga si Noraisa Mansuk Manua niadtong miagign semana.
Miresulta pa sa lima ka oras ang engkuwentro ayha hingpit nadakpan ang suspek kay naigo na sa mga otoridad ug gidala sa Amai Pakpak Medical Center aron matambalan.
Nakompiskar gikan sa encounter site ang assault rifle sa suspek,lima ka assorted magazines,16 ka buhing bala ug 15 ka empty shells sa M-16 armalite rifles.
