CAGAYAN DE ORO CITY – Nagkompirmar ang pagduda nga may foul play ang kamatayon sa usa ka babaye sulod sa giabangang apartment sa Xavier Heights Upper Balulang ning syudad.
Kini human migawas ang otosiya sa patay’ng lawas ni Rosenn Bitantos nga residente sa maong lugar.
Gibutyag ni Carmen Police Station commander Major Jelises Teves nga base sa resulta, may nagtuok ug sampong sa baba sa 34 anyos nga biktima Bitantos hinungdan sa kamatayon niini.
Miingon si Teves nga gipaspasan na nila karon ang pagpangulekta sa ebidensya aron mailhan ang responsable sa krimen.
