CAGAYAN DE ORO CITY – Gi-imbestigaran sa kapolisan ang posibilidad nga miyembro sa walhong grupo ang babayeng gipusil-patay diha sa Purok 1, Brgy. Puting Balas, Talisayan, Misamis Oriental.
Gibutyag ni Police Master Sgt. Orlando Condes, imbestigador sa Talisayan Police Station nga may nadawat silang report nga naglihok sa bukid ang biktimang si Evelyn Gulay, 53 anyos, minyo nga residente sa maong dapit.
Apan miingon si Condes nga apil sa ilang gi-imbestigaran ang posibilidad nga gi-initan si Gulay sa mga tawong nalambigit sa illegal nga pagpamutol sa kahoy sa ilang lugar.
