CAGAYAN DE ORO CITY – Giiimbestigaran sa kapolisan kon may foul play ang kamatayon sa brgy kagawad nga giingong naunay sa paghinlo sa homemade shotgun sa Brgy San Lorenzo,Kitaotao,Bukidnon.
Giila ni Kitaotao Police Station commander Capt Jose Regner Sevillino ang bikitma nga si Brgy Kag Agaton de la Cruz,66 anyos,minyo ug nagpuyo sa maong lugar.
Gibutyag ni Sevillino nga mismo ang anak sa biktima ang nagsulti nga nag-inusara sa paghinlo ang amahan niini sulod sa payag dihang nadunggan ang pagbuto s armas.
Nadiskobre nga nagbaton sa samad sa dughang ang biktima hinungdan gidala sa ospital apan wala na masalbar sa mga mananambal sa miaging adlaw.
