CAGAYAN DE ORO CITY – Pahamtanga’g silot sa Police Regional Office 10 ang kadagkuan sa Carmen Police Station ug ang pipila ka mga personahe niini.
Kini kon mogawas sa imbestigasyon nga dunay basehan nga gisupak nila ang social distancing samtang gipatuman ang anti-laway barrier policy sa mga motorista sa dakbayan.
Gihimo ni PR0-10 spokesperson Lt Col Mardy Hortillosa ang komento tungod sa social media post nga napuno sa mga pulis gikan sa Regional Mobile Force Batallion 10 ang patrol car sa Carmen Police Station.
Kini ang rason nga gipasubmitar nila’g report ang COCPO kon nganong dunay hulagway nga nagkatag sa social media diin makita nga nagdasok ang mga pulis sa patrol.
Samtang gidepensa ni Carmen Police Station commander Major Jelises Teves ang nagkatag nga hulagway diin makita ang iyang mga sakop nga police nga nagsakay sa overloaded nga police patrol car ning syudad.
Kini bisan sa kusganong pagdili sa inter-agency task force nga magdikit-dikit ang katawhan sa pagbiyahe aron kalikayan ang pagtakod sa COVID-19.
Miingon si Teves nga Hunyo ning tuiga pa ang maong hitabo.
Nagtoo ang official nga nadakpan sa no backride policy ang nagpaluyo sa maong hulagway ug gi-post sa social tungod sa kasuko niini.
