CAGAYAN DE ORO CITY – Nabilanggo ang regular city hall employee human makuhaan sa P23,000 nga kantidad sa shabu sulod sa ilang panimalay sa Brgy Carmen, sa syudad kagabii.
Giila ni Police Staff Sargeant Leonard Comilang sa Lumbia Police Station ang suspek nga si Toto Balcovera, empleyado sa City Engineerings Office sa syudad.
Miingon si Comilang nga dugay nang nalambigit sa door -to-door illegal drug trade si Balcovera hinungdan nga gipaubos nila sa operasyon.
Wala pay komento ang city hall kabahin sa laing empleyado nga nadakpan sa pagpayuhot nga ilegal nga droga ning dakbayan.
Samtang nakompiskar usab sa Regional Drugs Enforcement Agency Region 10 ang dul-an HALF MILLION nga street value sa shabu gikan sa maglive in partner sa gilusad nga entrapment operation sa Suntingon, Brgy Bugo ning syudad.
Giila ni Police Senior Master Sargeant Ian Quitoriano sa RDEU-10 ang mga suspek nga si alyas INDAY, usa ka kanhi plea bargainer ug kanhi company comptroller ug si alyas DODO, kanhi may kasong physical injuries ug kanhi konektado sa kompanya sa cellphone didto sa Metro Manila.
Namugos ang duruha nga dili sila supplier apan “transporter” lamang sa mga shabu ug gidawat ang trabaho sukad nanirado ang ilang kompanya nga na-apektuhan sa COVID-19.
Napalitan ang mga suspek sa usa ka pakete sa shabu ug nakurat ang mga operatiba sa ilang nadiskobrehan nga 65 gramo sa shabu ubos sa ilang posisyon.
