CAGAYAN DE ORO CITY –Nasakmit sa Cagayan de Oro City Police Office o COCPO ang pasidungog isip Outstanding City Police Office in the field of Police Community Relations sa tibuok nasud.
Kini tungod sa mga programa nga gipatuman sa COCPO nga nag-sentro sa pagsilbi sa katawhan ilabina sa kabataan ug kababayen-na sa syudad.
Miingon si Police Lt Col Llewelyn Datiles sa Law and Public Order Cluster nga mismo si COCPO Director Col Henry Dampal ang midawat sa pasidungog gikan sa Camp Crame pinaagi sa online ceremony kagahapong adlawa.
Gipasalamatan ni Dampal ang suporta nga nahatag sa syudad ug ubang sektor sa katilingban.
