CAGAYAN DE ORO CITY, Philippines – Miresbak si Vice President Sara Duterte sa hagit sa National Bureau of Investigation (NBI) nga siya pasakaan a kasong grave threats ug posibleng pagpalapas sa anti-terrorism act tungod sa iyang pagbahad nga pamatyon ang presidente, iyang kapikas, lakip ang House Speaker, kung siya ipapatay.
Namugos si Duterte nga ang iyang kayugot o ‘consternation’ tipik lamang sa iyang pagkadismaya sa gobyerno nga tataw ang gipatumang pulitikal nga paglutos (political persecution) kaniya lakip na ang pag-ipit sa mga staff sa Office of the Vice President.
Hinoon, gitin-aw ni Duterte nga ang iyang nalitok dala ra sa galagot ug dili angayan seryosohon sa gobyerno kay sama kini sa plano nga walay unod.
