CAGAYAN DE ORO CITY – Patay ang construction worker samtang samaron ang menor de edad nga gipangpusil samtang sakay sa motorsiklo sa Brgy Sagonsongan,Marawi City.
Kini human maigo sa ulo ug dughan si Junie Pahayahay,41 anyos,minyo ug taga-Manticao,Misamis Oriental samtang samaron si Edcel Pahayahay,15 anyos nga taga-Linamon,Lanao del Norte.
Miingon si Staff Sgt Amador Rosales,imbestigador sa Marawi City Police Station nga kalit lamang gipara sa duha ka wala mailang mga suspek ang mga biktima ug gipangutana.
Apan sa ilang pagpadagan sa gisakyang motorsiklo,kalit gipusil gamit ang kalibre 9mm pistol.
Dead on the spot si Junie samtang nadala sa Amai Pakpak Medical Center si Edcel.
Gitumbok sa PNP nga pagpangawat ang motibo sa mga suspek kay gikawat nila ang motorsiklo sa mga biktima.
