CAGAYAN DE ORO CITY-Gilayong gipaabot ni City Mayor Oscar Moreno pinaagi sa CSWD ang dinaliang ayuda alang sa dul-ag 300 ka residente nga apektado sa dakong sunog sa Brgy Carmen sa syudad.
Miingon si Moreno nga gawas sa ayuda gikan sa konseho sa Brgy Carmen,dugang social services usab ang gipaabot sa CSWD sa 70 ka pamilya nga anaa sa Macanhan National High School gipahimutang.
Sa maong sunog,naugdaw ang 30 ka balay diin 500-mil pesos ang structural damage samtang kapin P8 milyon usab ang bana-banang kabtangan ang naabo gikan sa mga residente.
Una niini,gikompirmar ni CSWD worker Joe Mar Rovel nga natunulan na ang mga biktima sa bugas, sardinas, noodle,kitchen utensils ug gamit pangkatulog.
