CAGAYAN DE ORO CITY – Nadakpan sa kapolisan ang empleyado sa Dep-Ed 10 ug laing duha ka kauban niini diha sa Brgy 17 ning syudad.
Giila ni Macabalan Police Station commander Maj Abdul Alim Sumandar ang susepk nga si Gerardo Bactong,24 anyos nga residente sa lugar.
Namahayag si Sumandar nga target nila si Richard Toyogon,31 anyos nga taga-Brgy 18 apan naatol nga anaa sulod sa balay ni Jonathan Bento si Bactong hinungdan nga sila nangadakpan.
Gibutyag sa ospisyal nga akto nila nga nasapon ang mga suspek nga giingong naggamit sa gitoohang shabu rason nga gipang-aresto kagahapong adlawa.
Samtang,namugos usab si Bactong nga igo ra kini nagpahulay sulod sa balay ug wala migamit sa ilegal nga droga.
Dugang sa suspek nga iro ra kini mipahulay kay gikan sila nag-inom apan wala sukad nalambigit sa pagbaligya’g ilegal nga droga kay may ensakto siya nga trabaho sa gobierno.
