CAGAYAN DE ORO CITY – Nadakpan sa Regional Drug Enforcement Unit 10 ang duha ka high value individuals sa anti-drug buy bust operation diha sa Toma Saco Street,Brgy Nazareth ning syudad.
Giila ni Police Regional Office 10 spokesperson Lt Col Mardi Hortillosa ang mga dinakpan nga sila Lorenzo Agbong Daomilas,taga-Brgy Nazareth ug Joel Coquia Tacbobo nga residente sa Jasaan,Misamis Oriental.
Gibutyag ni Hortillosa nga napalitan sa PNP sa sachet sa suspected shabu ang mga suspek hinungdan sa pagkasikop niini.
Narekober gikan sa mga suspek ang 60 gramos sa gitoohang shabu nga may estimated value nga 408-mil pesos,drug paraphernalia ug kolor puti nga Toyota Wigo nga sakyanan.
Gitakdang kasuhan sa pagsupak sa Dangerous Drugs Act 2002 sa piskalya ang mga suspek sunod semana.
