CAGAYAN DE ORO CITY – Nakabilib si kanhi IBP-Misamis Oriental chapter president Atty Eddie Cuaresma sa kaisog nga dala ni former Pres Rodrigo Duterte nga pag-atubang sa senado.
Kini human walay lipud-lidod ang pag-angkon sa kanhi sa presidente nga ubos sa iyang kamanduan ang daghang kaso sa pagpatay sa suspected drug pushers nga giingong misukol sa mga otorida sa miaging unom ka tuig.
Miingon si Cuaresma nga anaa gyud gihapon ang kasikat ni Duterte apan wala nagpasabot nga dili niya tubagon ang mga pasangil o mga kaso nga hayan ipasaka bato kaniya sa umaabot panahon.
Giklaro usab ni Cuaresma nga suportado niya ang war on drugs apan dili ang pagkamatay sa daghang mga biktima sa dugu-ong operasyon sa kapolisan.
Una nang usab gibalik-balik ni Duterte nga wala siya mahadlok madugta sa prisohan kon kagustuhan sa pipila kaysa mahingpit madominar sa sindikato sa illegal nga droga ang nasud.
