CAGAYAN DE ORO CITY – Gihimakak ni kanhi Taglimao Brgy Kap William Guillani nga may kalabutan kini sa kamatayon sa negosyante nga si Carlos Lam sa Brgy Canitoan sa syudad sa miaging Hulyo 18 ning tuiga.
Miingon si Guillani nga wala igong basehan nga himoon niya kini kang Lam tungod kay sukad wala sila nagka-kontra niini.
Gibatikos usab ni Guillani ang COCPO nga misakay lamang sa isyu sa gamay’ng bikil nila ni Lam kabahin sa ‘wingband’ sa mga manok aron sila dunay kasuhan sa piskalya sa syudad.
Wala usab palabya niini nga hayan may kalambigitan si City Mayor Oscar Morenon nga siya iduot sa salaod nga wala niya mahimo ngadto kang Lam.
Samtang gikakurat ni City Mayor Oscar Moreno nga si Guillani ang natumbok sa kapolisan nga suspek sa kamatayon ni Lam nga ilado nga negosyante sa syudad.
Miiingon si Moreno nga wala siya magdahom nga maapil ang pangalan ni Guillane sa kremin kinsa iyang political critic sa dugay nga panahon sa dakbayan.
Naglikay na usab paghatag komento si Moreno sa pasiatab ni Guillani nga may kalabutan siya kon nganong kini ang gitudlo sa kapolisan nga suspek sa kremin.
