CAGAYAN DE ORO CITY – Nadakpan sa mga otoridad ang kanh pulis tungod sa kalambigitan sa illegal nga droga sa Sitio Diamante Brgy Dalirig, Manolo Fortich,Bukidnon.
Giila ang suspek nga si Ronald Gaguan, 38-anyos ug kanhi naka-assigned sa Sumilao Police Station sa maong probinsya.
Gidakop si Gaguan gumikan sa gilugwang warrant of arrest batok kaniya tungod sa kasong kalapasan sa Comprehensive Drugs Act of 2002.
Samtang sa pikas bahin,nadakpan usab ang high value target nga suspek pagpakuyanap sa ilegal nga droga sulod sa motel sa Zone 7, Brgy Kauswagan ning syudad.
Giila ang suspek nga si Jabber Mauna, 23-anyos, ulitawo ug molopyo sa Barra,Brgy Macabalan sa syudad.
Nakuha sa posisyon sa suspek ang halos 400-mil pesos nga balor sa gitoohang shabu.
